Die Here het my geseën met hope talent en kreatiwiteit sonder dat ek daarvoor gevra het. Hy het kuns en kultuur deel van my gemaak. Hy het my daardeur gehelp om myself beter te leer ken om sodoende te weet waar my sterk punte lê en waaraan ek kan werk as mens.

Graag wil ek vir die Here teruggee wat hy met ‘n oop hand vir my gegee het.

Ek lewe tans nie net my drome en passie uit nie maar verdiep so ook my verhouding met die Here deur te doen waarvoor Hy my geroep het.

Hy het vir my ‘n werk as drama afrigter gegee om kinders meer van hulself te leer, selfvertroue te bou, kameraadskap en ook selfdissipline om hul voor te berei vir die “grootmens lewe” wat partykeer so hard op ons kinders kan wees.

My doel en belofte is om elke leerling te help ontwikkel tot ‘n selfversekerde jongmens (wat goed kan kommunikeer) met ‘n agtergrond van loopbaan-georiënteerde opleiding in Spraak en Drama en om hul in dié moeilike wêreld te kan instuur met die regte gereedskap om ‘n sukses van hul drome te kan maak.

Hy het met ‘n oop hand my geseën en ek wil nou teruggee en ‘n seën wees.